Mu ar deidhinn
Dè th' ann an Iomairt Ghàidhlig Loch Abair?
Tha dà amas aig an Iomairt:
1. Àireamh luchd-labhairt na Gàidhlig àrdachadh
2. Cothroman a leasachadh gus Gàidhlig a chleachdadh
Tha an Iomairt a' toirt còmhla buidhnean coimhearsnachd 's poblach le muinntir an àite gus fàs a thoirt air a' Ghàidhlig ann an Loch Abair. Chaidh Loch Abair a chomharrachadh mar sgìre phrìomhachais ann an Alba. Tha oifigear-leasachaidh aig Iomairt Gàidhlig Loch Abair.
Cò dha a tha e?
Tha an Iomairt airson duine sam bith le ùidh sa Ghàidhlig agus Sgìre Loch Abair. A bharrachd air a bhith fàs na Gàidhlig, tha sinn airson na coimhearsnachd a leasachadh 's cothroman a thoirt do mhuinntir an àite. Bidh an Iomairt a' fàs na Gàidhlig gu buannachd Loch Abair air fad.
Dè bhios an Iomairt a' dèanamh?
Bidh an Iomairt a' comharrachadh nam prìomhachasan airson leasachadh Gàidhlig ann an Loch Abair. Thèid pròiseactan a chur an gnìomh a bhios a' freagairt air na prìomhachasan seo 's an dà amas gu h-àrd.
Ciamar a bhios an Iomairt a' fàs na Gàidhlig sa sgìre?
Le bhith a' cur an gnìomh pròiseactan a chuireas taic ri òigridh, trèanadh, pàrantan, teaghlaichean agus a bhios a' brosnachadh foghlam tro mheadhan na Gàidhlig aig gach ìre. Bidh sinn cuideachd a' cur taic ri faicsinneachd na Gàidhlig 's prìomhachasan eile mar a tha iomchaidh.
Cò tha a' stiùireadh leasachadh?
Tha buidheann-stiùiridh ann a bhios a' dèanamh cho-dhùnaidhean air na prìomhachasan 's pròiseactan a thèid a chur an gnìomh. Tha Comunn na Gàidhlig a' cur taic ris an Iomairt aig gach ìre agus bidh buidhnean poblach an sàs a-rèir nam prìomhachas aig an sgìre.
Am faod mi pàirt a ghabhail?
Faodaidh! Tha a' bhuidheann-stiùiridh fosgailte do dhaoine sam bith le ùidh sa Ghàidhlig. Tha sinn cuideachd a' cur fàilte air daoine le Gàidhlig no le sgilean a bhios feumail gu leasachaidhean. Thoir sùil air an làrach-lìn.
Ciamar a gheibh mi tuilleadh fiosrachaidh?
Tha làrach-lìn aig an Iomairt far am bi am fiosrachadh as ùire. Gheibhear fiosrachadh an seo air foghlam, ionnsachadh, tachartasan, cothroman, taic, a' bhuidheann-stiùiridh agus fiosrachadh mu Ghàidhlig ann an Loch Abair. Faodaidh sibh bruidhinn rinn cuideachd aig:
Iomairt Ghàidhlig Loch Abair, Ostail a' Cham Dhail, AN GEARASDAN, PH33 7NE
rhona@iomairt-lochabair.org
01397-701988



